Masaya akong nakikipag habulan sa kaklase kong si Eric. Parang wala ng bukas ang aming mga tawanan. At siyempre sa mga grade one students, ang paaralan ay isang malaking playground. Takbuhan kami ng takbuhan ni Eric hanggang sa…. BLAAAAAGGGG!!!!Nakita ko na lang ang sarili kong nakahandusay sa sahig. Puno ng dugo ang aking labang Perla na uniporme. Tumama pala ang ulo ko sa kanto ng bintana. Malakas ang tagas ng dugo. Ang buhok kong amoy Vidal Sasoon ay nagging amoy malansang dugo. Hinimatay ako.
Pagdilat ko, akala ko makikita ko na ang mga anghel na nagkakantahan..
Nagkagulo ang lahat ng faculty at mga pag-umagang grade 2,3 at 4 students. Lahat nakiki-usyoso. Astig talaga. Para akong action star na naglalakad sa hallway. Duguan. Kulang na lang, media at mga nagpapa-autograph.
Hinatid ako ni Mrs Balite sa bahay namin. Asar na asar pa siya dahil siya ang nag-bayad ng pamasahe namin sa tricycle. 2.50 pesos each. Pag-uwi ko, dinala agad ako sa ospital. At tinahi ang ulo ko.
Kinabukasan, sikat na sikat ako sa school. At dahil sugatan ako siyempre exempted muna ako maglinis ng classroom o maging “cleaners” hahaha.
Walang komento:
Mag-post ng isang Komento