Super Guni-Guni

Captain America - Steve Rogers

Superman - Clark Kent

Batman - Bruce Wayne

Green Lantern - Hal Jordan

The Hulk - Bruce Banner

Iron Man - Anthony Stark

Red Maskman - Benj Ramos

I thought ako talaga si Red Maskman. Akala ko isinilang ako upang ipagtanggol ang naaapi. Akala ko kaya kong pagbuhul-buhulin ang mga magnanakaw at puksain ang mga halimaw, mutants at aliens na nagkalat sa mundo ng mga tao. Impluwensya ng mga maling akalang ito ang makapangyarihang media -- telebisyon, pelikula, komiks atbp.

Nung lumaki na ako at nahimasmasan, nadiskubre kong hindi talaga ako ipinanganak sa Planet X at sinugo sa daigdig upang maging superhero. Bilang tao, oo pwede pa rin kong tumulong sa kapwa. Pero bilang isang Red Maskman na may special power at higanteng robot, malabo yun. They are all but fiction.

Pero aminin natin, we still have this inkling hope na sana nga, totoo sila.

Umusbong na parang warts ang superhero films in 2000. Ang pagkabuhay na maguli ng mga ito, na sa nakaraang panahoy mababasa lamang sa mga komiks at graphic novels, ay parang indikasyon ng kalagayan ng mga tao sa kasalukuyan. We need them at this point in time.

Sa pelikulang Pinoy, superheroes are somewhat satiric. Parang isang joke. Pati yung kalaban parang joke rin. It has something to do siguro sa pagiging masayahin ng Pinoy. We want a serious matter be presented in a lighter approach. Nandyan yung toilet humors sa Captain Barbel ni Bistek, kenkoy na approach ni Lastikman, pumapunchline na si Volta, Kiti-kiting galaw ni Booba, at mga beking jargon ni ZsaZsa Zaturnnah.

Pero nageevolve rin sila katulad ng mga unggoy sa theory ni Darwin. Mula sa nakakatawa, naging dark at serious na ang mga bida natin. Tignan nyo yung mga recent na sumulpot na heroes sa telepantasya, hero-serye at komik-serye. Marunong na rin tayong maglagay ng malalim na kwento behind their lives. At dahil don lumawak ang audience nila, hindi na lang bata, kasama na ang teens at gurangs.

Kanya kanyang seryosong conflict na. Meron dyan, finding his true identity or finding the purpose of his existence. Lalim di ba? Malalim pa sa aral ni Moses. Kahit sila, nalilito na rin sa tunay nilang pagkatao. They are created to represent the hopes, aspirations and desperation of people for peace, prosperity and human essence.

Panandaliang tumatakbo tayo sa problema by watching these hero films. Since nagaganap ito sa isang isolated area, Pinoys also tend to isolate themselves from the real world to the imaginary universe that these films have created. We relate our crisis while inside that fictional world. Lahat guni guni. Resulta, false hope.

Nung 2003, nung hindi pa magkakilala si Bong Revilla at Janet Napoles, bumida siya sa Captain Barbell movie which became the top grossing MMFF entry in that year. Tingin nyo, bakit naging box office si Teng despite poor reviews from movie critics? Andyan yung comment na masyadong matanda na raw si Ogie Alcasid sa role na Enteng and Bong Revilla didnt fit the role of Captain Barbell as compared to Herbert Bautista several pork barrel scams back. May kinalaman marahil ang Oakwood mutiny on that same year. I was in Makati when the mutiny happened and i saw the huge tanks and trucks right before my eyes. Who do you wanna call in times like these? Siguro si Darna dahil na pwedeng makipag peace talks sa mga militar? Or si Lastikman na di tinatablan ng bala. Guess what? They came. Darna and Lastik both showed up in the Captain Barbell movie.

Nung sumunod na taon, 2004, binuhay naman si Enteng Kabisote. Dati sa 90's sitcom lang siya kilala at mula sa Okay Ka Fairy Ko kung saan wala pa siyang masyadong moral responsibility sa planet earth. Tinawag si Enteng Kabisote ng pangangailangan.

Enteng Kabisote 1 had reference in kidnapping issues (when Santana kidnaps Faye) and environmental issue (water dam crisis). These issues were possible call-for-attention to the coming president of our country during that time. Remember, 2004 we held the National Presidential Elections kung saan naluklok si Ate Glo. Si Santana, played by Bing Loyzaga is a super villain who wants to rule the world with her evil intentions. Pero siyempre just like the typical superhero films should end, the good must win over the evil. Malinaw na representation ito ng aspiratoon of Filipinos for a good leader of the country. Si pareng Enteng sumisimbulo sa hope -- tulad ng hope nating magkaroon ng tagapagtanggol ng ating Perlas ng Silangan.

Fast forward to 2006 (insert fast forward sound effect here), which i think was one of the tragic years for Filipinos on the 21st century. We had the Wowowee stampede earlier that year, then Mt Mayon eruption sometime August and Guimaras oil spill right after. Ang lala. We needed rescuers.

Sa parehong taon sinilang si Super Inggo sa dos. Sa dami ng trahedya, kelangan natin hindi lang isa kundi grupo ng tagapagligtas. Ayun, naimbento ang Power Academy. Ito yung parang training school para sa mga superheroes. It might symbolize the aspiration of Pinoys for a better armed forces. This was in relation to the recapture of Marine Capt Nicanor Faeldon in January 2006 who escaped in Philippine Army last December 2005.

2006 din pinalabas ang pelikula ng superherong kayang magpatumba ng higanteng palaka, mga patay na bumangon sa hukay at mga dark Amazonas -- si Zsa Zsa Zaturnnah. Interesante dahil ang gumanap ay si Zsa Zsa Padilla na katukayo ng fictional na bida at kaapilyedo naman ng human alter ego na si Rustom Padilla. Excuse me muna kay Bebe Gandanghari.

Noon mga panahong ito katatapos lamang bumuga ng abo at lava ng Bulkang Mayon, which left the area to alert level 4. Sa mga ganitong sakuna kasama na ang horrifying Wowowee stampede, ang ating mga kababayan ay nakahanap marahil ng sister/brother to lean on in Zsa Zsa Z at katulad ng ating bida nakaranas din siya ng takot at pangamba. Pero sa huli'y ipinakita naman na hindi permanente ang problema at malalampasan din natin ang mga ito.

Few years later, mga bagong crisis ang kinaharap ng mga Pinoy. Bago matapos ang dekada, pumanaw si Tita Cory noong August 1, 2009. And on the same year, the TV series version of Darna came out. Sa lahat ng superheroes ng Pipinas, si Darna na yata ang deserving na tawaging Pambansang Superhero. Si Darna at si Cory Aquino ay parehong idolo ng bayan. Parehong matapang at maka-masa. But despite Darna's powers, she has shown sign of weakness. She is vulnerable to confusion, emotional breakdown and even sickness. Hindi siya immortal. Isa rin siyang taong may kahinaan. Hindi perpekto si Darna. Una, lumaki siya sa orphanage. Pangalawa, nakasaklay siya. Pangatlo, may mga times na feeling nya hindi nya kayang ipagtanggol ang mundo dahil sa kalagayan niya. There was a part on the series when Narda had a hard time whether to accept the moral and social responsibility. Pano na kaya kung di niya tinanggap ang offer na maging unpaid employee of defending the world?

The first casualty of H1N1 virus was reported in the same year as well as the declaration of Martial Law in Maguindanao. Nakakastress ito lalo na nung sabay na kinuha sa'tin ni Lord si Cory. Though Darna almost declined the responsibility, she accepted it anyway. Kahit medyo hurt siya dahil kaagaw nya ang baby loves nyang si Eduardo kay Valentina.

These superheros have special skills, agility and strength that a normal person cannot posses. Limitless sila sa mga pwedeng gawin to save the earth, to defend the people, to help the needy, to achieve justice and to beat the evil. At hanggang telebisyon, komiks at pelikula lang sila. Isama na natin ang mga dayuhang bida na si Superman, Batman, Thor,Wolverine etc. Lahat sila ay nahulma mula sa ating mga guni guni. Sila yung ideal na nilalang sa mundo ng mga tao. Sila yung pinapangarap nating maging tayo, or atleast maging katuwang natin sa buhay. Sila ay nabuo out of our hopes, aspiration and frustration of peace, prospherity and security.

___________________________________

photo credits:

Zsa Zsa Zaturnnah: bachelor-gurl.livejournal.com

Laser Squadron Maskman: journeyofthepinkline.blogspot.com

Captain Barbell: edgarebro.blogspot.com

Gloria Arroyo: philippineinquirer.blogspot.com

Super Inggo: test3.tfc.tv

Cory Aquino: www.lovelyphilippines.com

Pinoy Superheroes: www.picstopin.com